Kris may bagong kaaway

Kung totoo ang balita, malamang madagdagan na naman ang ma­ga­­galit kay Kris Aquino dahil hin­di pa man nakakaupo ang kan­yang kapatid na si Noynoy Aquino bilang pangulo ng bansa ay na­ba­balita nang inalok niya si Joey de Leon para pamunuan ang Optical Media Board (OMB) na nangangasiwa sa pagsugpo ng pi­ra­cy sa bansa. Pina­mumunuan ito sa ngayon ni Ronnie Ricketts. Bago siya ay si Edu Manzano ang head dito. Uma­lis lamang ito nang magpasyang tumakbo bilang bise presidente at si Ronnie nga ang humalili sa kanya.

Gayung bago pa lamang si Ronnie sa kanyang trabaho, marami na rin naman siyang nahuhuling pira­ta at nagawang perwisyuhin ang kanilang operasyon sa bansa. Matapang din siya sa pagsa­sa­gawa ng mga raids na hindi man pumipigil sa kanilang operasyon ay nakakaapekto ng malaki sa negosyo ng piracy dahil maraming maki­na silang nakukumpiska at mga tapes, discs, CDs, DVDs na nasisira. Hindi naman ipinauubaya ni Ron­nie sa kanyang mga tauhan at kapu­lisan ang mga ganitong raids, per­sonal siyang sumasama kaya nga tulad ng mga nauna sa kanya sa opisinang ito, inuulan na rin siya ng death threats. Tapos, biglang maba­balitaan niyang may balak nang pali­tan siya sa kanyang pwesto at si Kris pa mismo daw ang huma­hanap ng makakapalit niya? * * *

Sa ngayon, palaisipan pa rin kung sino ang su­su­nod kay Robin Padilla na mag-host ng WO­WO­WEE. 'Di naman puwede si Vhong Navarro dahil host siya ng It's Showtime. Kung tatanggalin siya rito para ilipat sa Wowowee ay ilalagay naman nila sa ala­nganin ang prog­ramang pinagsasamahan nila ni Anne Curtis eh mas mataas pa yata ang ratings nito sa Wowowee. In fact, itinuturing ito na malakas na pre-programming ng Wowowee. * * *

Ang dalawang beses bang miscarriage ni Ge­neva Cruz ang dahilan ng paghihiwalay nila ni KC Mon­tero? Sana ay may iba pang dahilan dahil un­fair naman kay Geneva kung dahil lang dito ay iiwan na siya ni KC. I'm sure hindi niya ginustong mag­karoon ng miscarriage, at dalawang ulit pa! * * *

Talagang pangangatawanan na ni Niño Muhlach ang ne­gos­yo niyang bakeshop. Katuna­yan, kumuha pa siya ng culi­nary course para ma­ging hands on. Ngayon nga naman, siya mismo at hindi ibang tao ang namamahala ng kanyang ne­gosyo. Na-realize ng dating child wonder na lumalaki na ang kan­yang pamilya at para mabig­yan ito ng magandang bukas, kinakaila­ngang palaguin niya at patakbuhin ng magan­da ang ne­gosyo na sinimulan ng kanyang ama para sa kan­ya, gamit ang perang kinita niya sa pag-aartista.